Vieiros

Vieiros de meu Perfil


Edición xeral

RSS de Edición xeral
Cumio de xefes de Estado

A Unión Africana evita facer presión fronte a Mugabe

O goberno surafricano propón para Cimbabue a negociación dun goberno de transición que sume o actual líder da oposición.

Redacción - 09:30 01/07/2008

Entre o apoio sen fendas do goberno de Gabón á "lexitimidade" do goberno de Robert Mugabe en Cimbabue até a belixerancia amosada por Kenia, desde onde propoñen sancións ao país e mesmo solicitan a súa suspensión da Unión Africana mentres non convoque "eleccións libres". Neses dous estremos se moveron os posicionamentos dos líderes africanos fronte á crise cimbabuesa, no cumio de xefes de Estado que ten lugar esta semana en Exipto.

Doutra banda, Suráfrica, que xa viña actuando como país mediador na crise de Cimbabue, recomendou apostar pola vía do diálogo. O executivo surafricano considera posíbel que a mediación consiga que Mugabe sente a negociar un goberno de transición ao que poida acceder Morgan Tsvangirai, líder da oposición. Tsvangirai solicitara da Unión Africana un posicionamento claro en contra do recente proceso electoral en Cimbabue.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: