Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
O Mago Antón fará desaparecer os restos do fascismo

A CRMH convoca a III marcha cívica pola supresión da simboloxía franquista

Catro magos farán maxia este sábado n'A Coruña para que desaparezan os recordos da ditadura.

Redacción - 09:40 05/07/2008
Estatua de Millán Astray, na Coruña

Estatua de Millán Astray, na Coruña

No Concello d' A Coruña parece que o tempo non pasa. Mais de trinta rúas e prazas coruñesas manteñen nomes referidos á Guerra Civil, á vitoria de Franco ou á época da ditadura. Ao contrario que noutras cidades do Estado Español, na Coruña non se teñen retirado estatuas como a dedicada a Millán Astray ou os escudos anteriores á democracia, como o que preside a entrada principal do pazo municipal de María Pita, que é ilegal dende hai vinte e seis anos.

Franco, alcalde honorífico
Desde 2004 o BNG ten levado ante o pleno nove rogos, oito mocións e outras tantas preguntas sobre a recuperación da memoria histórica e a supresión da simboloxía franquista. Todas as mocións presentadas, como a que pedía a revogación do recoñecemento de Franco como fillo adoptivo e predilectísimo da cidade, foron rexeitadas sistematicamente polo PSdeG e o PPde G, unha das últimas o pasado 2 de abril, onde pedían a retirada do título de alcalde honorífico da cidade ao ditador.

Percorrido máxico
Esta terceira marcha cívica que convoca a Comisión pola Recuperación da Memoria Histórica ten previsto botar a andar na cidade vella ao medidía, na praza de Cánovas Lacruz -lembremos, Enrique Cánovas Lacruz foi coronel do exército de Franco, ascendido a xeneral tras dirixir a toma pola forza da cidade d'A Coruña en xullo de 1936-, para logo parar diante do pazo municipal e, con acompañamento de gaitas e literatos, rematar na praza de Millán Astray, outro vello coñecido, onde o Mago Antón e o seu equipo teñen preparada unha sorpresa.


4.4/5 (10 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: