Vieiros

Vieiros de meu Perfil


Edición xeral

RSS de Edición xeral
"Beneficia o bipartidismo"

IU recolle sinaturas en todo o Estado para modificar a Lei Electoral española

Defende que se amplíen de 350 a 400 o número de escanos para contar cunha "circunscrición electoral de restos".

Redacción - 19:30 03/07/2008
Almudena García, coordinadora comarcal da Coruña

Almudena García, coordinadora comarcal da Coruña

Esquerda Unida (EU-IU) anunciou esta quinta feira na Coruña que levará a cabo unha campaña de recollida de sinaturas en todo o Estado para modificar a actual Lei Electoral española baseada na circunscrición provincial.

A responsábel da campaña de recollida de sinaturas, Presentación Urán, afirmou que o actual sistema electoral é "inxusto, discriminatorio e limita o pluralismo democrático" que existe dentro da sociedade española.

Ante a actual fórmula que "beneficia o bipartidismo", propoñen un novo sistema baseado na "circunscrición electoral de restos". Un método que segundo Almudena García, coordinadora comarcal da Coruña de EU-IU, "permitiría que a xente non renunciase á súa ideoloxía á hora de acudir ás urnas".

50 escanos máis

O novo sistema suporía ampliar de 350 a 400 o número de escanos, tal e como permite a Constitución española. Deste xeito crearíase, cos 50 novos escanos, unha circunscrición de restos onde computen o conxunto de votos emitidos a nivel estatal que non foron utilizados para a asignación de escanos nas diferentes circunscricións provinciais.

A medida, segundo os cálculos dados a coñecer por Presentación Urán, "só prexudicaría os grandes partidos", mentres que o resto de forzas políticas manterían os mesmos deputados, a excepción de IU que pasaría de dous a catorce.


4/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: