Vieiros

Vieiros de meu Perfil


Edición xeral

RSS de Edición xeral
Malia a inmigración

Continúa o ermo demográfico: 8 mil mortes máis ca nacementos

Galiza rexistra o peor balance a nivel estatal, con só 21.845 nacementos fronte a 30.160 defuncións.

Redacción - 09:00 04/07/2008

O crecemento vexetativo do país, a diferenza entre a cifra de partos e mortes, ofrece un ano máis números negativos: -8.318 persoas. Xa que logo, e de non ser pola inmigración, a conta anual do padrón ofrecería tamén crecemento negativo. Con todo, tamén neste caso, a evolución no último ano foi mínima. E é que se no resto do Estado, ao mirar a media de nacementos vemos que un de cada cinco cativos é de nai chegada dalgún outro recanto do planeta, en Galiza esa porcentaxe quedou no último ano en apenas o 6,8%, un punto por riba do ano anterior, con 1.400 nacementos de nai vida da inmigración.

Así, en 2007 os peores números atopámolos na provincia de Ourense, cun saldo negativo de -2.535 (4.503 defuncións e 2.060 nacementos). En Lugo: -2.519 (4.698 defuncións e 2.179 partos). Na Coruña: -3.393 (12.484 mortes e 9.091 nacementos). Por último, a única evolución positiva é a de Pontevedra: +125 (froito de 8.507 nacementos e 8.378 mortes)


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: