Vieiros

Vieiros de meu Perfil


Edición xeral

RSS de Edición xeral
Voto exterior

O PPdeG denunciará o caso da suposta axente electoral ante a Xustiza

Os 'populares' din que trataron de aclarar o sucedido no Parlamento mais que o PSdeG tratou de "agachar a sua culpabilidade" e o BNG "permitiuno".

Redacción - 17:25 04/07/2008
Afonso Rueda

Afonso Rueda

O secretario xeral do PPdeG, Afonso Rueda, anunciou este venres que o seu partido denunciará ante a Xustiza o caso da suposta axente electoral, ante a imposibilidade de aclarar o sucedido no Parlamento polo "afán escurantista do Goberno".

Serán agora os xuíces os que determinen se en realidade o PSdeG financiou con cartos públicos a campaña electoral na Arxentina. O PPdeG considera que os socialistas estiveron "empeñados en agachar a gravidade dos seus actos", e que no BNG son "cómplices necesarios dun escándalo de proporcións maiúsculas".

Rueda criticou que cinco meses despois de denunciaren os feitos, o Goberno "non adoptou medidas de ningún tipo", e que en troques dos "implicados" achegaren unha "aclaración", estes optaron pola "mentira", a "intimidación", a "calumnia" e o "insulto cara ao PP" por facer público o caso.

O PPdeG, que salientou o "boicot" que sufriron na comisión de investigación parlamentaria, anunciou que poñerá en coñecemento do xuíz todos os datos que obran no seu poder. Ademais pediralle que teña en conta testemuñas e documentos diversos "para analizar e determinar a gravidade deste asunto".


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: