Vieiros

Vieiros de meu Perfil


Máis Alá

Xestionado por Vieiros
RSS de Máis Alá
Teatro para a Humanidade

Un percorrido teatral para promover a Torre de Hércules

A lenda de Breogán e do nacemento da cidade han ser interpretadas ao pé do faro durante este mes de xullo.

Redacción - 19:11 09/07/2008
No percorrido han ser interpretadas as lendas da cidade

No percorrido han ser interpretadas as lendas da cidade

Para pasar a formar parte do Patrimonio da Humanidade, a UNESCO exixe que os candidatos concorran en dúas características sine qua non: universalidade e excepcionalidade. A Torre de Hércules é o único faro romano do mundo que aínda permanece en funcionamento e segue a desempeñar a mesma tarefa para a que foi creado.

A UNESCO vai avaliar todas as candidaturas e tomar unha decisión en xullo de 2009, e con motivo de promover a candidatura do noso faro, diferentes asociacións e organismos están a idear iniciativas como este percorrido teatral.

Alumnas e alumnos do obradoiro de emprego Ágora, dependente da Concellaría de Promoción Económica e Emprego e a de Igualdade e Participación Cidadá idearon e deseñaron este proxecto. Trátase dun percorrido de corenta e cinco minutos polos campos da Torre, como unha visita guiada a xeito de paseo entre a estatua de Breogán, a do Ara Solis, a Rosa dos Ventos e o propio faro.

Durante o paseo, as alumnas e alumnos da especialidade de monitor sociocultural han interpretar a historia mesma de Galiza e da Coruña, a lenda do rei celta Breogán, a do altar do Sol e máis o mito de Hércules.

A improvisada “compañía” teatral vai percorrer os arredores da torre co seu espectáculo durante todo o mes de xullo.
Nesta iniciativa participan diferentes organismos, entre os que se atopan o Concello d'A Coruña, a Xunta de Galiza e a Unión Europea.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: