Vieiros

Vieiros de meu Perfil


Fwwwrando

RSS de Fwwwrando
CONVENIO

Andalucía cédelle a Galiza software de administración electrónica

Os dous gobernos comprometéronse a fomentar os trámites a través da rede e a promocionalos tamén no eido local.

Redacción - 09:00 11/07/2008
Evangelina Naranjo

Evangelina Naranjo

Os gobernos de Galiza e Andalucía colaborarán no impulso da administración electrónica. Será grazas ao convenio asinado entre o conselleiro da Presidencia, Xosé Luís Méndez Romeu, e a conselleira andaluza de Xustiza, Evangelina Naranjo, polo que a Junta cederá de xeito indefinido e de balde software das súas plataformas de e-administración.

Nunha nota emitida polo goberno andaluz, saliéntase que Galiza se poderá sumar "ao impulso modernizador dos sistemas de xestión administrativa e calidade dos servizos desenvolvidos en Andalucía". O convenio tamén contempla que os dos gobernos fomenten actuacións para achegar a administración electrónica á cidadanía.

A Consellaría de Xustiza e Administración Pública de Andalucía xa lle cedeu o software a 102 organismos, co fin de impulsar un labor máis "cómodo, eficaz e eficiente" dos seus trámites habituais mediante a e-administración. Deste xeito, poderase unificar a xestión dos documentos recibidos a través de calquera medio e notificar de xeito eficaz os usuarios do servizo.


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: