Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Ciclismo

O KGZ chega á segunda parte dunha xenial tempada

Tras a segunda sesión de adestramentos colectivos, Álvaro Pino decidiu a formación que vai participar na 'Vuelta a Madrid'.

Redacción - 12:32 10/07/2008
Cartaz da 'Vuelta a Madrid'

Cartaz da 'Vuelta a Madrid'

O segundo adestramento colectivo do Karpin Galicia permitiulle a Álvaro Pino confirmar a relación de corredores que o equipo galego presentará na 'Vuelta a Madrid', que se desenvolve na comunidade madrileña do 18 ao 20 de xullo, competición coa que iniciará a segunda parte da tempada.

A selección de corredores estará composta por: David García, Gustavo Domínguez, Serafín Martínez, Alejandro Paleo, Alberto Fernández, Vladimir Isaychev, Carlos Castaño e David Herrero. Para cubrir calquera posíbel continxencia estarán preparados Delio Fernández, Ramón Troncoso, Juan F. Mourón e Gonzalo Rabuñal.

A segunda xornada de adestramentos colectivos
Ezequiel Mosquera, ausente o primeiro día, sumouse a esta segunda xornada de adestramentos realizada sobre un percorrido de 130 quilómetros con dous portos. O primeiro, entre Gondomar e Tui (San Antoniño), subiuse a ritmo; e sobre o segundo, de regreso a Vigo, entre Porriño e Gondomar (San Cosme) realizouse un test máis esixente.

Álvaro Pino, que se atreveu a subir á bicicleta nesta xornada, valorou moi positivamente a sesión na que os corredores se empregaron con distintos graos de intensidade, atendendo a programacións deportivas dispares. Ao terminar a sesión, Pino amosouse satisfeito, tanto polo magnífico ambiente que transmite o grupo (ao que concede unha contribución significativa aos éxitos do equipo na presente campaña), como pola excelente actitude de todos, moi centrados no seu programa de traballo.

A canteira, probando co equipo profesional

A este adestramento asistiron os ciclistas sub 23 Mauro González e Adrián Sánchez (Super Froiz) e Sergio Míguez e Noé Rodríguez (Chint - Autronic); tamén se incorporaría ao grupo a ciclista do Klimanor Marina González. A terceira sesión realizase en Negreira.


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: