Vieiros

Vieiros de meu Perfil


Edición xeral

RSS de Edición xeral
O pasado venres, os primeiros

Comezan os "despedimentos masivos" anunciados por Bosch en Vigo

A empresa de telemárketing anunciouno a semana pasada sen comunicarlle á representación sindical o número de persoas afectadas, denuncia a CIG.

Redacción - 19:10 14/07/2008
Unha mobilización anterior

Unha mobilización anterior

A semana pasada o xefe de recursos humanos da empresa de telemárketing Bosch Communication Center en Vigo anunciou o que a compañía cualificou como "despedimentos masivos", debido á "baixada da carga de traballo". Segundo denuncia o sindicato CIG, o pasado venres producíronse os primeiros.

A compañía xermana dálles emprego a 1.200 persoas das que un 85% teñen contratos temporais e 700 son vía ETT. "Os incumprimentos do Convenio, as sancións e os despedimentos son unha constante na actuación desta multinacional", afirman dende a CIG que xa o ano pasado presentara conflito colectivo.

O sindicato nacionalista sinala que ao longo das últimas semanas Bosch xa viña despedindo a persoal das mesmas campañas, alegando unha "baixada voluntaria do rendemento". Mais foi a pasada cando se produciu o anuncio dos "despedimentos masivos", sen comunicarlle á representación sindical o número de persoas afectadas, apuntan.

Bosch puxo en marcha en 2007 un centro de chamadas en Arxentina que dá emprego a día de hoxe a 150 persoas que atenden a clientela do Estado Español; a campaña de Orange -que aparentemente é a máis afectada polos despedimentos en Vigo- xa está a ser atendida dende Bos Aires. Para a CIG isto demostra que a maioría dos despedimentos son froito dun proceso de deslocalización (outros, para evitar dar vacacións), e anuncian mobilizacións.


5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: