Vieiros

Vieiros de meu Perfil


Edición xeral

RSS de Edición xeral
Decisión da Presidencia

O goberno arxentino derroga o sistema de impostos que provocou o conflito co sector agrario

"É un primeiro paso que debe ser complementado cun tratamento diferenciado dos produtores medianos e pequenos", din dende a Federación Agraria Arxentina.

EP - 11:05 19/07/2008

O goberno arxentino derrogou este venres o decreto ditado o 11 de marzo pasado polo cal se instrumentou o chamado sistema de retencións móbiles, que aumentaba a alícuota a pagar polas exportacións de grans segundo se incrementasen as cotizacións nos mercados internacionais.

O xefe de gabinete, Alberto Fernández, e o ministro de Economía, Carlos Fernández, fixeron o anuncio nunha conferencia de prensa na Casa Rosada, sede do Executivo. Mediante o decreto 1.166 quedou derrogado o sistema que impuxera o ex ministro de Economía Martín Lousteau.

A derrogación do sistema decidiuse logo dunha reunión coa presidenta, Cristina Fernández, e despois de que na madrugada da quinta feira ao venres a Cámara de Senadores rexeitase o proxecto de lei para protexer o sistema de retencións.

O presidente da Federación Agraria Arxentina, Eduardo Buzzi, cualificou a noticia de "positiva". "É un primeiro paso que debe ser complementado cun tratamento diferenciado dos produtores medianos e pequenos", declarou.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: