Vieiros

Vieiros de meu Perfil


Edición xeral

RSS de Edición xeral
Sete persoas detidas

Arrestan en Galiza un presunto membro da ETA

A Garda Civil informou da detención en Nigrán dun suposto membro do chamado "Comando Biscaia".

Redacción / Europa Press - 11:00 22/07/2008
Tags: arresto ETA

Aitor Kotano Sinde, veciño da localidade biscaíña de Elorrio, foi detido por axentes da Garda Civil na madrugada do luns ao martes nunha vila costeira da provincia de Pontevedra, segundo confirman desde ao propio grupo de apoio a presos Askatasuna.

Atribúeselle a pertenza ao grupo que o Ministerio de Interior bautizou como "Comando Biscaia" da ETA, grupo presuntamente autor da maioría de ataques realizados pola ETA desde a fin do cesamento de fogo.

Outras detencións producíronse nas localidades biscaíñas de Getxo e Elorrio, onde foi arrestado, Arkaitz Goikoetxea, a quen as fontes policiais consideran líder deste grupo.


Detención "illada"

O delegado do goberno español en Galiza, Manuel Ameijeiras, asegurou este martes que a ETA non conta con ningún tipo de estrutura "nin estábel nin itinerante" no país. Ameijeiras desvinculou a detención do presunto membro do 'Comando Biscaia' en Nigrán dos explosivos colocados a pasada fin de semana en localidades costeriras de Cantabria.



Segundo as informacións reveladas, o detido en Nigrán, Aitor Kotano Sinde, veciño da localidade biscaíña de Algorta, "foi seguido" até Galiza por axentes da Garda Civil e estaba no municipio pontevedrés "por unha relación persoal". Manuel Ameijeiras comentou ademais que esta detención non modificará o dispositivo de seguridade xa deseñado para o contorno do Día de Galiza.





5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: