Vieiros

Vieiros de meu Perfil


Edición xeral

RSS de Edición xeral
Éxito da experimentación co medicamento

Zeltia dispárase un 16% en bolsa impulsado polo anti-cancro Yondelis

A empresa confirma que presentará a solicitude de autorización do fármaco de orixe mariña Yondelis para o tratamento de cancro de ovario.

Redacción - 09:30 08/08/2008

A autorización por parte das axencias europea e americana do medicamento (EMEA e FDA) para o uso de Yondelis como tratamento do cancro ovario dispararían a facturación de Zeltia e permitiríanlle saír de números vermellos no horizonte de 2010.

O prognóstico da empresa é que a curto prazo as vendas en Europa para Yondelis en sarcoma de tecidos brandos alcanzarán os 100 millóns de euros, e en ovario poderían situarse en 300-400 millóns de euros. "Co cal son unha vendas maduras para Europa de máis de 450 millóns, e Europa é unha terza do mercado oncolóxico mundial, co cal nós venderiamos en Europa uns 450 millóns e cobrariamos os royaltys dos 900 millóns restantes de vendas, que serían en todo o mundo uns 150 millóns de euros máis ou menos", destacou o presidente da empresa, Xosé María Fernández-Sousa, en declaracións a Europa Press.

Os títulos de Zeltia gañaron este xoves en bolsa un 16,6%, ata os 5,48 euros, tras confirmar que presentará esa solicitude de autorización do fármaco de orixe mariña Yondelis. As accións do grupo farmacéutico oscilaron ao longo da xornada entre un prezo máximo de 5,55 euros e mínimo de 4,63 euros, para concluír como o mellor valor do mercado continuo.

Pharma Mar, filial de Zeltia, comunicoulle á Axencia Europea de Medicamentes (EMEA) que o ensaio de fase III pivotal en cancro de ovario tivo resultados positivos, unha vez que foron conxuntamente revisados e corroborados con Ortho Biotech Products, informou a compañía á Comisión Nacional do Mercado de Valores (CNMV). Deste xeito, Pharma Mar presentará durante o último trimestre deste ano a solicitude de autorización de Yondelis no tratamento de cancro de ovario avanzado.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: