Vieiros

As últimas informacións chegadas do lugar falan de ataques realizados por avións do exército ruso sobre a cidade xeorxiana de Gori, próxima a Osetia do Sur. Malia que as accións supostamente ían contra bases militares, o goberno de Xeorxia comunicou a morte de ducias de civís.

Ao tempo, os combates seguen no interior da área separatista, Osetia do Sur, onde os dous bandos aseguran ter o control da capital. Mentres, a principal chamada a rebaixar a tensión fíxoa o presidente de Xeorxia, Mijaíl Saakashvili, quen propuxo un cesamento do fogo inmediato e o inicio dun proceso de desmilitarización da zona. Con todo, o Parlamento de Xeorxia aprobou un decreto presidencial que declar o estado de guerra no país por un período de quince días.