Vieiros

O grupo formado por José M. Martínez "Bonham" (ex Deluxe, The Majestics), Fernando Esclusa (Guru Deva) e Tito Ritman (Luis Moro & Tribeca's Band) anuncia a gravación do seu esperado álbum debut, Garufa ye-ye.

A gravación, este xoves 14 de agosto na coñecida sala de concertos da cidade vella da Coruña, o Garufa. Los mecánicos é a proxección das obsesións musicais dos tres músicos pola dourada época dos sesenta. O grupo arrexuntouse aló por 2007 para reverenciar o legado do pop-rock anglosaxón de bandas míticas como The Beatles, The Kinks ou Small Faces. No concerto que gravarán ao vivo no pub Garufa (rúa San Francisco 8), Los mecánicos han mesturar o cocktail cos benqueridos Formula V, Los Bravos, Los Salvajes, Los Brincos...

O trío ha repasar en aproximadamente unha hora e media de concerto algúns dos momentos máis incríbeis da década de ouro do pop inglés, americano, estatal e galego. Ninguén pode faltar á esperada gravación do primeiro álbum de Los mecánicos este xoves catorce, ás 23 horas no pub Garufa.