Vieiros

Vieiros de meu Perfil


Edición xeral

RSS de Edición xeral
En fase de elaboración

Rajoy escolle Galiza para confirmar un proxecto de lei que privilexie o castelán

O líder do PP teima en subliñar como imprescindíbel unha lei a prol do español e avanza que o seu grupo vaina presentar proximamente no Congreso.

Redacción - 09:30 18/08/2008

Coas eleccións galegas á porta, o PP ameaza poñer o debate lingüístico en primeiro plano. O líder do partido, Mariano Rajoy, confirmou esta fin de semana que o seu grupo traballa na elaboración dunha lei a prol do castelán. Rajoy explicou, durante unha entrevista concedida en Pontevedra á axencia Europa Press, que se trata dunha iniciativa coa que o PP quere "garantir o uso do castelán" en todo o Estado ao considerar que "están en perigo dereitos individuais das persoas".

"As persoas teñen que ter dereito a falar o idioma que mellor lles pareza e eu son partidario niso da liberdade e do exercicio dos dereitos individuais", afirmou Rajoy. Por este motivo, o presidente do PP avanzou que en canto se inicie o período de sesións no Congreso, o seu grupo presentará unha proposición de lei "para garantir o uso do castelán". "É unha lei de garantía de dereitos individuais, que desenvolvería os artigos da Constitución que fan referencia a eses dereitos", dixo.


1.1/5 (10 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: