Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
II Mostra de Xogos e Deportes Tradicionais

Santalla capital dos Xogos Tradicionais

O próximo día 30 será xornada para as nostalxias e tamén para os sorrisos dos que terán o seu primeiro contacto con divertimentos que loitarán por facerse cun lugar no seu tempo de lecer.

Redacción - 09:30 19/08/2008
Acto de presentación da mostra

Acto de presentación da mostra

O vindeiro día 30 de Agosto celebraránse en Santalla (A Pontenova) a II Mostra de Xogos e Deportes Tradicionais. Ata a localidade lucense chegarán máis de 300 deportistas procedentes de Galiza, Portugal, Euskadi, Asturias e Castela-León, que participarán nun programa onde se recollen perto de 100 xogos diferentes. A mostra presentouse o pasado mércores día 13, nun acto ao que, ademais dos organizadores, acudiron a directora xeral para o deporte, Marta Souto; directivos da Asociación Galega do Xogo Popular e Tradicional, e representantes do concello da Pontenova.

A mostra celebrarase nun espazo composto por varias parcelas que xuntan máis de 5000 metros cadrados con alpendres, hórreos, cabozos e moitos ferrados do monte característico do país. Un entorno que nos permite evocar aquel no que estes xogos se comezaron a practicar, contribuíndo así coa finalidade principal deste evento: concienciar á cidadanía para que non esqueza os xogos e deportes que se practicaban antigamente e que os maiores transmitan este patrimonio lúdico aos máis novos para que volva a formar parte do seu tempo de lecer.

A mostra de xogos populares máis importante de Galiza
O éxito da primeira edición fai que existan grande esperanzas depositadas nesta II Mostra de Xogos e Deportes Tradicionas, que se está consolidando como a convocatoria relacionada cos xogos e deportes tradicionais de referencia, tanto en Galiza como máis aló das nosas fronteiras. Así o recoñece Paco Veiga, directivo da Asociación Galega do Xogo Popular e Tradicional, botándolle as culpas ao feito de que "un mesmo evento une diferentes tipoloxías de xogos e deportes, algo que é moi difícil de conseguir".

Nesta II edición da Mostra incluiránse novidades, entre as que destacan as 18 modalidades deportivas de Euskadi que amosará a Federación Bizkaína de Xogos e Deporte Vascos. O Torneo Galego Individual de Bolo Celta, o Torneo de Chave ou o de Billarda, son só algun dos case 100 xogos que se practicarán en Santalla, entre as 11 da mañá e as 19:30 do vindeiro sábado día 30.


4,88/5 (8 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: