Vieiros

María Loreto G. C., veciña de Monforte de Lemos atópase entre os 19 superviventes do accidente de avión que se rexistrou este mécores no aeroporto de Madrid-Baraxas, mentres que a súa filla Clara D. G. permanece desaparecida.

Aínda que, segundo lle confirmou a Europa Press o rexedor monfortino Severino Rodríguez, a muller “está ben”, o último parte médico que facilitou a Consellaría de Sanidade de Madrid sinala que a monfortina aínda se atopa no complexo hospitalario Ramón y Cajal con prognóstico grave. A supervivente do sinistro presenta traumatismo craneoencefálico e torácico con neumotórax, á parte de fracturas nas pernas.

O rexedor de Monforte indicou que se atopa en contacto coa familia das mulleres, que pediu que non fose molestada, e ofrecéulles a súa axuda e colaboración para o que precisen.