Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
O DE CANGAS DEFENDÍA O OURO OLÍMPICO NA DISTANCIA

Cal amplía a súa colección de medallas cunha prata no C-1 1000

O padexeiro do Morrazo non fixo unha boa saída, pero conseguiu arrepoñerse para loitar polo ouro co húngaro Attila Sandor Vajda que rematou distanciándose nos últimos 250 metros.

Redacción - 09:55 22/08/2008
Cal coa medalla de prata

Cal coa medalla de prata

David Cal non puido repetir o ouro acadado de Atenas no C-1 1000 metros, e tivo que conformarse coa medalla de prata por detrás do actual campión mundial da distancia, Attila Vajda. Os dous padexeiros pasaron mal colocados polo primeiro control, situado aos 250 metros. A partir de entón, comezaron a remontar posicións ata pasar polo terceiro parcial en disposición de repartir entre eles o ouro.

Desde ese momento o húngaro distanciouse de Cal, que rematou 2.284 por detrás. A vitoria de Vajda baseouse na regularidade, xa que a diferencia entre os seus tempos intermedios foi de apenas 14 centésimas, fronte a un irregular Cal que foi empeorando o seus tempos intermedios en todos os parciais para rematar en 3:52.751, máis de seis segundos por detrás da marca coa que se fixo co ouro en Atenas.

Cal chegou a esta final despois de acadar a clasificación directa nas series do pasado luns, onde se impuxo con comodidade aos seus rivais dando sensación de clara superioridade.

Temos unha nova cita co padexeiro de Hío o sábado 23, a partir das 09:45, na final do C-1 500, distancia na que é especialista, polo que agardamos para entón a súa segunda medalla en Beixín.


4,5/5 (8 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: