Vieiros

O candidato demócrata á presidencia de Estados Unidos, Barak Obama, elixiu o senador demócrata de Delaware Joseph Biden como o seu compañeiro para a vicepresidencia, segundo informou este sábado a CNN citando fontes próximas ao senador por Illinois.

Biden, de 65 anos, é un avogado e político estadounidense membro do Partido Demócrata e actual Senador por Delaware desde 1973. Ademais, é o presidente do Comité de Relacións Exteriores do Senado de Estados Unidos, o que reforza as intencións de Obama de presentar un goberno cun bo equipo para as relacións internacionais, logo das numerosas críticas neste senso vertidas polos republicanos.