Vieiros

Vieiros de meu Perfil


Edición xeral

RSS de Edición xeral
UNHA SEMANA DESPOIS DE SER APROBADO

Lobeira marca máis distancia co Plan Acuícola: “O BNG non é o pai desta criatura”

O deputado nacionalista advirte que as consellarías nacionalistas aínda teñen que analizar cada un dos proxectos.

Redacción - 18:00 04/09/2008

O deputado nacionalista Bieito Lobeira marcou claramente a postura do Bloque con respecto ao Plan Acuícola: “O BNG non é o pai desta criatura”. Lobeira considera que o documento aprobado en primeira instancia no Consello da Xunta é “manifestamente mellorábel”.

Os nacionalistas explicitan así a súa disconformidade cos plans dos seus socios de goberno. Lobeira lembrou que houbo actuacións como as da Consellaría de Cultura que van evitar que as piscifactorías afecten a áreas de interese arqueolóxico.

Porén, o deputado do Bloque cre que aínda é preciso limar máis os plans da consellaría. Como exemplo puxo as piscifactorías de Laxe Brava (Ribeira), Camelle ou a de Merexo (Muxía), que, segundo explicou, poñen en perigo a riqueza produtiva e natural das zonas.

A este respecto, Lobeira advertiu que os proxectos piscícolas aínda teñen que ter o visto e prace das consellarías de Cultura, Industria e Medio Rural: “Imos facer todo o posíbel para que os proxectos que nos parecen máis agresivos non cheguen a facerse realidade”.


4.58/5 (12 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: