Vieiros

Vieiros de meu Perfil


Fwwwrando

RSS de Fwwwrando
PARA COÑECER MELLOR A FORMACIÓN DA VÍA LÁCTEA

A sonda Rosetta aproxímase a un asteroide entre Marte e Xúpiter

A sonda lanzada hai catro anos pola Axencia Espacial Europea vai rozar o asteroide 2867 Steins, situado entre as órbitas de Marte e Xúpiter, nun percorrido que achegará datos sobre a formación de planetas no Sistema Solar.

Redacción - 13:17 05/09/2008
A sonda Rosetta

A sonda Rosetta

No momento en que a sonda Rosetta se aproxime ao 2867 Steins, os científicos terán ao seu dispor moitos datos sobre a composición do asteroide, de 4.6 quilómetros de longo e que xira sobre si mesmo en 6 horas.

Segundo os científicos, o coñecemento dos cometas e asteroides, formados polos restos que quedaron da formación do sistema solar, axudará a comprender mellor o proceso de creación dos planetas e os inicios da vida na Terra.

A Axencia Espacial Europea tamén informou de que cando alcance o seu obxectivo, a sonda Rosetta terá percorrido uns 6.500 millóns de quilómetros.

Rosetta xa sobrevoou sobre a Terra dúas veces e sobre Marte outra, para obter a aceleración necesaria para proseguir co seu camiño. A próxima vez que sobrevoe a Terra está estimada para o mes de novembro de 2009.

FWWWRANDO


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: