O gobernamental MPLA obtén máis do 80% dos votos en Angola
Aínda que as xornadas de votación estiveron exentas de violencia, a oposición considera que houbo numerosas irregularidades.
Os primeiros resultados oficiais das eleccións lexislativas angolanas (con case o 50% do voto escrutado) danlle ao Movimento Popular de Libertação de Angola (MPLA) unha máis que ampla vitoria (81,73%). O principal rival desta formación, a UNITA (União Nacional para a Independencia Total de Angola) tería pouco máis dun 10% dos apoios. Os datos avanzounos o voceiro da Comissão Nacional Eleitoral de Angola, Adão de Almeida, aínda que se espera que o escrutinio final aínda se demore durante horas.
Os comicios non estiveron exentos de polémica. Ademais da UNITA, que reclamou que se impugnase o proceso na capital Luanda, a eurodeputada socialista portuguesa Ana Gomes subliñou que as reclamacións de diferentes grupos da oposición son “lexítimas” e falou de episodios de “desorganización” durante o proceso.
- BBC News: Angolan MPLA set for big poll win
- Máis información en: Jornal de Angola, Angola Press, Radio Nacional de Angola e Angonotícias
- Anterior en Vieiros: Angola enterra con votos o seu pasado de sangue
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto