Vieiros

Vieiros de meu Perfil


Edición xeral

RSS de Edición xeral
SE A CITA É DE DELEGADOS

Os sectores críticos do BNG non acudirán á Asemblea Nacional de outubro

Encontro Irmandiño e Movemento pola Base consideran que o proceso non oferece suficientes “garantías democráticas”.

Redacción - 14:45 07/09/2008

O vindeiro 5 de outubro o BNG celebra unha Asemblea Nacional extraordinaria para elixir o candidato á presidencia da Xunta. O que en principio semellaba unha cita de trámite para Anxo Quintana pode mudar significativamente. Os sectores críticos coa dirección nacionalista, nucleados basicamente arredor do Encontro Irmandiño e do Movemento pola Base, non participarán no proceso asembleario se non se abre a toda a militancia. Estas dúas correntes internas consideran que o proceso non oferece “garantías democráticas” ao optarse por un sistema de delegados e non polo tradicional modelo de un afiliado un voto na asemblea.

No Consello Nacional do pasado 30 de agosto constatouse aínda máis o malestar dos sectores críticos coa dinámica interna da organización. Días antes, dirixentes do Encontro Irmandiño e do Movemento pola Base advertiran xa que se oporían enerxicamente a unha asemblea de delegados. Segundo puido saber este xornal, a decisión estaría xa tomada dentro das dúas correntes e o anuncio farase público logo da celebración das asembleas comarcais que comezan este luns.


Encontro Irmandiño, liderado por Xosé Manuel Beiras, e e Movemento pola Base, encabezado por Fermín Paz, sumaron na última Asemblea Nacional, celebrada en decembro de 2006, algo máis do 26% (17 e 9,3, respectivamente) dos votos da militancia. Pola súa parte, a candidatura de Anxo Quintana, apoiado pola UPG, sobrepasaron o 62% do voto dos afiliados. A cuarta candidatura, a da Alternativa, liderada por Charo Fernández e Camilo Nogueira, obtivo un 11%


3.5/5 (32 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: