Vieiros

Vieiros de meu Perfil


Edición xeral

RSS de Edición xeral
Volta ao cole

STEG denuncia que os mestres imparten aulas en especialidades que non lles corresponden

CCOO centra as súas reivindicacións para o curso escolar que comeza esta quinta feira no mellor funcionamento dos comedores.

Redacción - 11:30 11/09/2008
O acceso de todo o alumando ao servizo de comedor é unha das reivindicacións dos sindicatos

O acceso de todo o alumando ao servizo de comedor é unha das reivindicacións dos sindicatos

O Sindicato de Traballadoras e Traballadores do Ensino de Galiza (STEG) considera que a Consellaría de Educación "errou estrepitosamente nas súas previsións", na adxudicación de destinos de educación primaria para o curso escolar que comeza esta quinta feira.

Denuncian que "centos de profesores que aprobaron por Educación Primaria" as oposicións están a ser obrigados a impartir "especialidades para as cales non teñen a formación axeitada". Salientan neste senso, casos en Pedagoxía Terapéutica e Audición e Linguaxe e en Educación Física.

Ademais, critican a redución de persoal docente, que lles afecta aos profesores interinos e ao alumnado das zonas rurais por cuestións demográficas; salientan negativamente a ausencia do decreto de Infantil; e rexeitan o ensino baseado exclusivamente no libro de texto.

Servizo de comedor

Tamén o sindicato CCOO quixo manifestar a súa posición de cara ao curso escolar 2008-09 que comeza esta quinta feira. Sobre todo céntrase en exixirlle á consellaría que "faga un esforzo" para cumprir da Orde de comedores de 2007, que estabelece a posibilidade de que todo o alumnado teña acceso a este "servizo complementario", mais "de carácter educativo" e "importante para a escolarización das crianzas".


2/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: