Vieiros

Vieiros de meu Perfil


Edición xeral

RSS de Edición xeral
A POLÉMICA CHEGARÁ Á MESA SECTORIAL

O sindicatos exixen que a Xunta anule as axudas a colexios que separan nenas e nenos

Representantes sindicais arremeten contra a Consellaría de Educación por non establecer a obrigatoridade da “coeducación” de sexos á hora de asinar os concertos cos centros privados.

R.Vilar - 13:40 24/09/2008

As organizacións sindicais consideran que a Consellaría de Educación debe elaborar unha normativa que remate coas subvencións a centros privados que non permiten a coeducación de nenos e nenas. Logo de que este xornal desvelase que proseguen as axudas a catro centros que impiden a educación mixta, representantes de CIG, UXT, STEG e CC.OOO coinciden en que a consellaría debe tomar medidas urxentes.

O responsábel nacional de CIG-Ensino, Anxo Louzao, sinala que é “incomprensíbel” que a consellaría siga dando cuantiosos fondos públicos a este tipo de centros privados. Lembra que o segregacionismo de sexos vai contra a LOE que insiste na “coeducación” de rapaces e rapazas. Dende a CIG considera un “verdadeiro escándalo” que Educación siga a mesma liña que os anteriores gobernos do PPdeG á hora de establecer os concertos.

Xosé Fuentes, dirixente de CC.OO-Ensino, afirma que o sindicato ao que pertence se opón frontalmente a separación de rapaces e rapazas: “Estes ultraconservadores da Igrexa Católica póñennos os pelos de punta”. Fuentes subliñou que Galiza debería seguir o exemplo de comunidades como a de Castela-A Mancha e anularlle as axudas públicas a aqueles centros que non aposten pola “coeducación”.

Xosé Cabido, de STEG, considera “alarmante” que se subvencionen centros que “afondan na diferenciación entre sexos”. Cabido acusou á consellaría de non ter “valentía política para aplicar políticas progresistas”. Logo de coñecer a noticia, Cabido anunciou que o sindicato vai estudar un asunto que cualifica de “ especialmente grave” e sinala que van facerlle preguntas ao respecto á consellaría na Mesa Sectorial de Educación.

Dende a UXT, Xerardo Morano coincide cos outros sindicatos e sinala que a educación debe ser sempre mixta. Aínda que subliña que son partidarios de que a Xunta non subvencione este tipo de colexios, Morano cre que hai que estudar se hai “razóns legais” que dificulten a adopción de medidas.


5/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: