Vieiros

Vieiros de meu Perfil


Máis Alá

Xestionado por Vieiros
RSS de Máis Alá
ESTREA EN GALIZA

Que suba o pano! 'Animales Artificiales'

Matarile Teatro e o Igaem producen a obra de Ana Vallés, que estará no Salón Teatro compostelán entre o 25 e o 28 de setembro.

Redacción - 12:55 24/09/2008

A estrea no país da obra de Matarile Teatro abrirá, ademais, a tempada de outono no Salón Teatro, onde se poderá ver os días 25, 26, 27 e 28 de setembro. A montaxe, que carece de estrutura narrativa, xira arredor da empatía e do equilibrio entre o instinto animal que toda persoa leva dentro e o mundo artificial e normalizado no que lle toca vivir. Para explicar o argumento da súa última creación, Ana Vallés utiliza palabras de Coetzee: "hai xente que ten a capacidade de imaxinarse como outra persoa e hai xente que non a ten (cando esa carencia é extrema, chamámolos psicópatas). E hai xente que ten esa capacidade pero decide non poñela en práctica".

O espectáculo é posto en escena por un elenco heteroxéneo integrado por un músico que toca a tuba, Hugo Portas (Galiza), un contratenor Ramón Vázquez (Galiza) e sete actores e bailaríns: Helen Bertels (Alemaña), José Campanari (Arxentina), Mónica García (Asturias), Mauricio González (Canarias), Iván Marcos (Galiza), Ricardo Santana (Madrid) e a propia Ana Vallés (Galiza).

A obra representouse por primeira vez o pasado mes de febreiro no Festival de Teatro de Málaga, que participou na produción, xunto ao antigo IGAEM e o Teatro Fernán Gómez-Centro de Arte de Madrid. Despois realizou unha xira por Murcia, Castela-León, Castela-A Mancha, Madrid e Portugal.

Matarile
Matarile Teatro é un dos grupos de teatro galegos máis premiados e con maior proxección exterior, dende a súa creación en 1986. Entre os recoñecementos recibidos polas súas montaxes atópanse o Premio do Público na Feira do Teatro de Galicia 2005 ao Mellor Espectáculo, Premio ao Espectáculo máis Orixinal e Innovador do XI Festival Internacional de Teatro e Artes de Rúa de Valladolid ou o Premio María Casares á Mellor Dirección do Teatro Galego.


3/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: