Vieiros

Vieiros de meu Perfil


Edición xeral

RSS de Edición xeral
DATOS

A Xunta constata unha lixeira redución do número de turistas no que vai de 2008

A Consellaría de Industria considera que a crise económica influiu na baixada de visitas.

Redacción - 14:00 26/09/2008

O conselleiro de Industria, Fernando Blanco, advertiu este venres que hai un parón nos datos do sector turístico no oito primeiros meses do ano. Con respecto a 2007, entre xaneiro e agosto deste ano o número de visitantes descendeu un 0,78%. Consciente de que os resultados son mellorábeis, Blanco avogou por facer un esforzo na promoción para igualar as cifras cara final de ano.

Nos oito primeiros meses de 2008 chegaron a Galiza 3.962.005 persoas, nun ano marcado polo contexto da crise económica. En total, máis de 2,5 millóns dos viaxeiros buscaron aloxamento en hoteis. O turismo rural sufriu un retroceso de case un punto e o de campings máis de seis.

En canto á procedencia dos turistas, o 52% chegaron dende diferentes lugares do Estado Español. Por comunidades, Madrid, Valencia, Cataluña e Euskadi son as que máis visitantes xeraron. Dos que o fixeron dende fóra a maioría eran italianos, alemáns e franceses. A Xunta calcula que o gasto medio ronda os 25 euros por día.


3/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: