Vieiros

No verán de 1940, o presidente do goberno de Cataluña no exilio, Lluís Companys, era detido en Francia. Pouco despois, as autoridades francesas e a Gestapo -Policía secreta da Alemaña nazi- entregábano ao réxime franquista que o executaba o 15 de outubro.

A Comissió de la Dignitat e a Generalitat realizan este luns un acto de desagravio a Companys, coa participación dos cónsules de Alemaña e Francia, Christine Gläser e Pascal Brice, respectivamente, que pedirán perdón, por vez primeira, por aquel feito.

Por outra banda, o goberno catalán iniciará un proceso para solicitarlle ao español a reparación e a dignificación de Companys, como paso previo para pedir a nulidade do xuízo que o condenou, segundo anunciou este domingo o conselleiro do Interior, Joan Saura.

Lluís Companys e Galiza
Precisamente, neste senso, un usuario do Open Vieiros informa de que a campaña pola anulación deste proceso franquista lembra tamén a súa relación con Galiza. Poden ampliar na nova redactada por este lector.