Vieiros

Vieiros de meu Perfil


Edición xeral

RSS de Edición xeral
Antes da cimeira deste sábado

O FMI pídelle á UE unha resposta coordinada ante a crise

Este sábado o presidente francés reúnese cos líderes dos países europeos do G8 para para procurar unha "saída colectiva" á situación.

Redacción - 17:58 04/10/2008
Sarkozy atendendo os medios, despois de falar co director do FMI

Sarkozy atendendo os medios, despois de falar co director do FMI

Horas antes de que o presidente francés, Nicolas Sarkozy, se reúna cos líderes dos países europeos do G8, recibiu o director xerente do Fondo Monetario Internacional (FMI), Dominique Strauss-Kahn, quen, após a xuntanza, avogou por unha resposta coordinada da UE á crise financeira.

"A situación económica mundial é moi preocupante"
O máximo titular do FMI afirmou tamén que esta institución ten previsto revisar á baixa a previsión mundial de crecemento: "a situación económica mundial é moi preocupante, e o FMI vai publicar previsións de crecemento sensibelmente inferiores ás que había até o de agora", revelou Strauss-Kahn.

Despois da recepción a Strauss-Kahn, Sarkozy ha recibir, na cimeira de París por el convocada, a chanceler alemá, Angela Merkel; o primeiro ministro británico, Gordon Brown, e o primeiro ministro italiano, Silvio Berlusconi, así como o presidente da Comisión Europea, Jose Manuel Durão Barroso, e os presidentes do Banco Central Europeo e do Eurogrupo, Jean-Claude Trichet e Jean-Claude Juncker, respectivamente, para procurar unha "única saída colectiva" desta situación de crise.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: