Vieiros

Vieiros de meu Perfil


Edición xeral

RSS de Edición xeral
Cada un que terme do seu

Os principais líderes europeos deciden gobernar cadansúa casa, sen propoñer un plan común contra a crise

Porén, si pactaron rescatar os bancos das actuais "turbulencias financeiras". Todo isto na cimeira dos G8 de Europa: Francia, Italia, Alemaña e Reino Unido.

Redacción - 10:11 05/10/2008
O presidente fracés, Sarkozy, falando coa chanceler alemá, Angela Merkel durante a xuntanza / Imaxe: Le Monde

O presidente fracés, Sarkozy, falando coa chanceler alemá, Angela Merkel durante a xuntanza / Imaxe: Le Monde

A frase pronunciada pola chanceler alemá Angela Merkel resume á perfección o acordado na xuntanza que mantiveron os Estados europeos do G8 este sábado en París: "cada país debe asumir responsabilidades a escala nacional", ou ben, que cada un terme do seu, porque non hai trazas de elaborar un plano común, tipo Plan Bush, como propuxo o director do FMI.

A pesar de non chegar ao acordo que se prevía, entre todos, os líderes dos gobernos francés, británico, alemán e italiano si se comprometeron a rescatar os bancos en risco, como aconteceu xa esta semana con cinco entidades. Tamén se comprometeron a actuar de xeito coordinado, "garantindo a solidez e a estabilidade" dos sistemas bancarios e financeiros e "tomar as medidas precisas para acadar este obxectivo". A conclusión á que chegaron os mandatarios do G8 europeo é que "diñeiro non ha faltar" pero que cada goberno ha ter que traballar "ao seu xeito", aínda que de forma coordinada.

Sarkozy busca novos puntos de encontro
Polo seu lado, o anfitrión nesta xuntanza, o presidente francés Nicolas Sarkozy, non conseguiu "refundar o capitalismo", só algunhas medidas de reparación de urxencia no sistema bancario. Porén, si chegou a fixar outra data para xuntarse, o que debería desembocar nunha xuntanza do chamado G14, un grupo que inclúe a China, India e Brasil, entre outros grandes países, para redactar un novo pacto que regule o sistema financeiro mundial. A vindeira segunda feira xúntase en Nova York os ministros de economía do G7; na terza, o Ecofin; e a mediados deste mes de outubro desenvolverase unha reunión do Consello Europeo en Bruxelas.

Para ampliar información:


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: