Vieiros

Vieiros de meu Perfil


Edición xeral

RSS de Edición xeral
Crise financeira

A UE anuncia novas intervencións mentres as bolsas se somen no caos

O DAX 30 da bolsa de Francfort, o maior da Eurozona, perdeu máis dun 7% este luns. París caeu un 9,04% e Londres, un 7,29%.

Redacción - 18:45 06/10/2008

Os xefes de estado e de goberno da UE comprometéronse este luns a tomar "todas as medidas necesarias" para garantir a estabilidade financeira, xa sexa mediante a inxección de liquidez procedente dos bancos centrais, o rescate dos bancos en dificultades ou a protección dos aforros dos usuarios.

"Todos os dirixentes da UE declaran que cada un deles adoptará todas as medidas necesarias para garantir a estabilidade do sistema financeiro", asegurou Nicolás Sarkozy como presidente de quenda dos Vinte e sete.

Luns negro nas bolsas
Mentres, 'plan Bush' mediante, as bolsas de todo o mundo caían. São Paulo paralizou o mercado ante unha caída do 15% e Wall Street comezou a sesión con fortes perdas.

En Europa as baixadas superaron o 7% (un derrubamento do 15% da bolsa de Moscova obrigou a suspender as cotizacións) ante a constatación de que a crise financeira aportou definitivamente no Vello Continente.

O índice DAX 30 da bolsa de Francfort, o máis importante da Eurozona, marcou unha perda do 7,01% este luns. París sufriu a maior caída da súa historia cun 9,04%, e Londres retrocedeu o 7,29%.

Antes da apertura dos mercados europeos, xa as bolsas asiáticas foran vítimas da falta de confianza dos investidores. O índice Nikkei 225 de Toquio rematou a sesión cun retroceso do 4,25%, situándose no seu nivel máis baixo dende o 12 de febreiro de 2004, a de Xangai pechou cunha perda do 5,23%, e Hong Kong caeu un 5%.


4.5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: