Vieiros

Vieiros de meu Perfil


Fwwwrando

RSS de Fwwwrando
UNIVERSIDADE DE TEL AVIV

Un programa informático embelece os retratos das persoas

Efectúa modificacións baseadas nas medidas faciais ideais, aínda que sen cambiar a personalidade do fotografado.

Redacción - 12:00 10/10/2008

Informáticos israelís desenvolveron un software que modifica automaticamente retratos de persoas para facelas máis atractivas sen que deixen de ser recoñecíbeis. O 'embelecedor dixital' usa unha fórmula matemática que se basea nos resultados dunha enquisa efectuada a 68 persoas.

As mulleres e homes que se someteron ao estudo tiñan idades de 25 a 40 anos e procedían de Israel e de Alemaña. Tiñan que mirar imaxes de persoas e escoller as que lles parecían máis atraentes. Despois, os científicos da Universidade de Tel Aviv elaboraron un algoritmo que ten en conta 234 medidas faciais como a separación dos ollos, a largura da fronte ou a distancia entre os beizos e o queixo.

A diferenza do que pasa, cada vez máis, nos retoques fotográficos das revistas, os cambios son unicamente de xeometría, e non se disimulan manchas nin se modifican as cores.

Como adoita acontecer cos computadores, o 'embelecemento' é simplemente matemático e non sempre os resultados son mellores ca o retrato orixinal. De feito, nalgúns casos non se nota nin a diferenza. Un dos programadores tamén se someteu á experiencia, como se pode comprobar na galería publicada no New York Times.


2/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: