Vieiros

O equipo galego fíxose co título no campionato desenvolvido en Albacete. Con esta vitoria racha a hexemonía do combinado catalán, vencedor das cinco edicións disputadas anteriormente. Os nosos pasaron, de xeito directo, ás semifinais e alí venceron cun claro 2-0 a Aragón. Na última rolda enfrontáronse á poderosa selección catalá, onde figuraba o número un estatal, Kiko Tur. Pero Álvaro Illobre e Martín Varela xogaron a un gran nivel e acadaron senllas vitorias en tres sets.

As eliminatorias decidíanse a tres partidos, dous individuais e un de parellas. Os partidos tamén se disputaron ao mellor de tres sets. A xente do Clube de tenis Albacete puido gozar dun tenis de alto nivel a pasada fin de semana. O equipo galego estaba liderado por Álvaro Illobre, que pecha así un gran ano no que disputou tamén os Xogos Paralímpicos de Beixín.