Edición xeral
A Fiscalía española pon atrancos para que Garzón investigue os crimes da ditadura
Logo de que o propio Zapatero afirmase que o franquismo xa está xulgado pola historia, o ministerio público oponse a un gran proceso e considera que os delitos son competencia dos xulgados locais.
A Fiscalía da Audiencia Nacional española vén de mover ficha. O ministerio público considera que o xuíz Baltsar Garzón “carece de competencia” para investigar os crimes cometidos durante a Guerra Civil e na ditadura militar. Logo de que o propio presidente español, José Luis Rodríguez Zapatero, afirmase que o franquismo xa está a ser xulgado pola historia, a Fiscalía presenta un recurso contra o auto de Garzón (.pdf).
Para o ministerio público, a investigación que pretende levar a cabo Garzón non é un asunto de “xustiza universal”. Por iso, quere que cada proceso se tome no xulgado que corresponda. A diferenza é substancial. Os crimes contra a humanidade son competencia da Audiencia Nacional mentres que os xulgados locais teñen competencias para xulgar os delitos comúns.
Máis aló, a Fiscalía defende que os dereitos da vítimas xa están garantidos coas disposicións da Lei de Memoria Histórica. Porén, a Fiscalía afirma que non se opón a exhumación de foxas de represaliados
Novas relacionadas
- Manuel Fraga cualifica de "disparate" a decisión do xuíz Garzón
- Garzón declárase competente para investigar os crimes durante a guerra e a ditadura franquista
- Garzón pide información sobre os Tribunais Republicanos e os seus arquivos
- Garzón recibe o censo con máis de catro mil nomes de represaliados galegos
- O xuíz Garzón pídelle á Igrexa que achegue datos sobre os desaparecidos na Guerra Civil
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto