Vieiros

Vieiros de meu Perfil


Fwwwrando

RSS de Fwwwrando
EXGAE

A cultura libre entrega os seus 'oXcar' en Barcelona

Unha gala de sete horas servirá para recoñecer os mellores traballos alleos ás entidades xestoras de dereitos de autor.

Redacción - 11:55 28/10/2008

A entrega dos oXcar terá lugar este martes á noite na sala Apolo de Barcelona e servirá como un xeito de protestar contra as entidades xestoras de dereitos de autor, como a SGAE. A gala será retransmitida en directo por internet a partir das 20.30 horas.

Partiparán membros do portal de descargas P2P máis importante do mundo, The Pirate Bay, os creadores da Wu Ming Foundation, a Orxata Sound System e o humorista Leo Bassi, entre outros.

Os oXcar preséntanse como os primeiros premios anuais dedicados exclusivamente á cultura libre. Como explica unha representante da organización, Susana Levy, a Vilaweb, haberá premios por categorías: animación, literatura, cinema, artes escénicas, música ou internet. En total, participarán unhas 200 persoas nun acto que se prevé que dure sete horas.

A organización correu a cargo da Exgae, entidade de Barcelona que promove a cultura libre e que informa os artistas para que poidan xestionar os dereitos das súas obras sen teren que llos ceder á SGAE. Na entidade traballan avogados especializados en dereitos de autor e en conflitos relacionados coas descargas P2P ou o canon dixital. De feito, a recadación do acto do martes servirá para pagar os asesores xurídicos.


5/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: