Vieiros

GZCrea premiou á innovación e á vangarda nos seus premios de música, que vén de anunciar. A final tivo lugar nos locais de Nsaio, no Estadio de Fútbol de San Lázaro en Santiago de Compostela. Projecto ['Trepja], que recibiu o primeiro premio, é un colectivo multidisciplinar que mestura electrónica e música tradicional en forma de son, imaxe e danza. En concreto, recibiu o premio polas cancións "A roseira" e "Leghons".

Mentres, o segundo premio foi para o post-rock de Noise Project, de Valga, que presentou as cancións "II" e "A pedra de afiar".



Finalmente, o terceiro premio outorgouse de xeito compartido a Os Gru, cun estilo electroclash, polas cancións "As movies de Antón de Castro" e "Ti me soas". E a Anxo Graña, cunha música caracterizada pola fusión, polas cancións "Bailadela" e "Saxos".