Vieiros

A dirección xeral para o Deporte anunciou a convocatoria dos Premios Nacionais para o Deporte do períoso 2007-2008. A finalidade principal de estes galardóns é recoñecer o traballo realizado polos axentes que integran o deporte galego. Así, poderán recibir esta distinción persoas ou tamén organismos públicos e privados que se distinguisen pola súa especial achega ao deporte do país.

As candidaturas deberán ser propostas polas federacións, clubs ou calquera outro tipo de asociación relacionada coa práctica deportiva. O prazo para a proposición de candidatos comeza o mércores día 5 de novembro e rematará o 14 de este mesmo mes. O galardón divídese en dúas categorías, como son "premio ao/á mellor deportista" e "premio ao/á mellor deportista discapacitado/a". O ano pasado estes premios entregáronse a Xavier Gómez Noya e Susana Rodríguez, respectivamente.