Vieiros

Fora considerado oficialmente como un accidente, malia que un grupo talibán reivindicou no seu momento o presunto ataque. Dez galegos ían no helicóptero do exército español que se foi ao chan aquel agosto de 2005 causando a morte dos dezasete militares que viaxaban nel.

Antes diso, e tamén relacionado coas operacións en Afganistán, acontecera o polémico accidente do avión Yakolev, caído en Turquía cando volvía dunha misión militar en terras afgás. Un caso que abriu un longo proceso nos xulgados onde se viu implicado o daquela ministro de Defensa, o popular Federico Trillo. Naquel avión sinistrado onde morreron 62 militares ían tamén catro soldados galegos.

Finalmente, e antes do falecemento esta fin de semana do cabo vigués Rubén Alonso Ríos, hai ano e medio producíase tamén a morte de Idoia Rodríguez, veciña de Lugo, no ataque a un convoi militar que, ao igual que o deste domingo, trasladaba militares no contorno da zona de Herat. Ademais, o brigada Juan Andrés Suárez García, falecido esta fin de semana, aínda que nado en Mieres, estaba casado cunha galega e vivía en Carballo desde hai dez anos.