Vieiros

“Non existe constancia de que iso sucedese”. Así de contundente se mostrou a Fiscalía do TSXG sobre o presunto envío de menores inmigrantes de orixe magrebí procedentes de Euskadi. O que non descartou o ministerio público é que algún funcionario enviase os mozos por iniciativa propia.

Este posicionamento coincide co do vicepresidente, Anxo Quintana, que este luns rexeitou censurar ao goberno vasco porque a Xunta non tiña probas de que a chegada dos menores fose produto dunha decisión política.

A polémica comezou cando a semana pasada varios medios de comunicación relacionaron a chegada de mozos magrebís co goberno vasco. Con todo, o ministerio público sinalou que a investigación prosegue aberta.