Vieiros

Máis de medio millón de electores inscritos están chamados este domingo ás urnas na Guiné-Bissau, para as eleccións lexislativas ás que concorren concorren 19 partidos e dúas coalicións, informa a axencia Lusa,. O novo goberno substituirá o executivo de xestión liderado por Carlos Correia, disolto en agosto e que só durou tres meses.

Aínda que está previsto na lei, a comunidade guineense na diáspora non vota -non o fai dende 1999-, ficando o parlamento incompleto, xa que dous dos 102 escanos da cámara están reservados aos cidadáns que viven en países europeos e africanos.

As fronteiras marítimas, terrestres e aéreas permanecerán pechadas dende as 00.00 horas deste domingo deica ás 24.00, por motivos de seguranza, explicou a Comissão Nacional de Eleições. Segundo as informacións da Lusa, nas que cita o xefe dos observadores da UE, Johan Van Hecke, os comicios decorrían con normalidade até o mediodía.

"Vou facer o posíbel para cumprir, estou moi confiado na vitoria", dixo Carlos Gomes Júnior, líder do maior partido do país, o PAIGC. En fronte ten o PRS, que lidera Kumba Ialá, segunda forza en importancia.

• Máis información no diario Guine-Bissau e na axencia nacional ABMP