Vieiros

Vieiros de meu Perfil


Edición xeral

RSS de Edición xeral
Fronte á crise financeira do país

O FMI aproba un préstamo de 1.600 millóns para Islandia

A institución únese a un plan de rescate no que participarán tamén Finlandia, Suecia, Noruega e Dinamarca, que achegarán arredor de 2.000 millóns de euros.

Redacción - 09:00 20/11/2008

"Islandia está no medio dunha crise bancaria de proporcións extraordinarias", apuntaba este mércores un dos subdirectores executivos do Fondo Monetario Internacional (FMI) ao tempo que se confirmana a axuda do organismo ao país. De xeito inmediato, o FMI pon a disposición de Islandia un préstamo de algo máis de 1.600 millóns de euros, destinado a garantir a estabilidade financeira a curto prazo. O total do apoio económico aprobado irá vencellado a un plan de revisións trimestrais que inxectará arredor de 120 millóns de euros en oito quendas.

O colapso de até tres dos bancos máis importantes de Islandia puxera o país no gume dunha crise financeira con difícil saída, acelerando o salto da economía islandesa á recesión. O goberno insiste en que pode solucionar a situación a medio prazo cun programa triplo que garanta a reestruturación banqueira, sostibilidade fiscal e a estabilización da moeda. A forte implicación de capital británico ou neerlandés, entre outros países, nos bancos islandeses nacionalizados, complicara as últimas semanas a aprobación do plan internacional de axuda para o sistema financeiro do país.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: