Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
PARTEN CON DESVANTAXE

Os Vallejo viaxan a Madrid a polo estatal de rallys

Sergio é o piloto e Diego o copiloto deste equipo que buscará no rally Shalymar o seu primeiro campionato estatal.

Redacción - 10:15 22/11/2008
Vallejo a piques de esbarrancar nunha curva / Flickr: A Reixa

Vallejo a piques de esbarrancar nunha curva / Flickr: A Reixa

Esta fin de semana ten lugar en Madrid o Rally Shalymar, co que se fecha o campionato estatal de rallies. Entre os participantes atópanse o galego Sergio Vallejo e o seu irmán Diego, que exerce as funcións de copiloto. Vallejo é agora segundo da clasificación, detrás do cántabro Enrique Ojeda. Aínda así, Vallejo mantén intactas as súas opcións de vitoria, para o que precisaría acadar a vitoria e que Enrique Ojeda rematase por detrás da terceira posición.

O tándem formado polos irmáns lucenses chega con opcións á última carreira despois de acadar unha espectacular vitoria no rally Costa Brava, avantaxando en só dous segundos a Ojeda. Os Vallejo aspiran así a mellorar o segundo posto final acadado na tempada anterior, no seu primeiro campionato coa marca Porsche.

Vallejo compite cun Porsche 911 GT3, mentres que o seu rival corre cun coche da marca francesa Peugeot.


5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: