Vieiros

Vieiros de meu Perfil


Bos Aires

Edición xestionada por Débora Campos
RSS de Bos Aires
POLA CRISE MUNDIAL

A Arxentina lanza un plan de emprego e de producción

A presidenta arxentina, Cristina Fernández de Kirchner, anunciou este martes a creación dun Ministerio da Produción, axudas para as pequenas industrias e tamén para o traballo. Ademáis, repatriarán capitais, entre outras accións que apuntan a manter o nivel do emprego, a produción e o consumo.

Débora Campos - 09:00 26/11/2008

A presidenta arxentina Cristina Fernández de Kirchner anunciou este martes medidas que apuntan a manter o nivel do emprego, a produción e o consumo. Inclúen a creación dun Ministerio da Produción, axudas para as pequenas e medianas empresas e tamén para o traballo e a repatriación de capitais.

Ao falar na Conferencia Industrial organizada pola Unión Industrial Arxentina (UIA) a mandataria dixo que "debemos articular o trípode virtuoso entre empresarios, traballadores e o Estado".

Previo ao anuncio das medidas, a presidenta explicou que "estamos convencidos que este modelo que puxemos en marcha hai cinco anos e medio é o correcto" e criticou a "os gurúes económicos e das consultoras que se rían de nós e que falaban que se trataba dun veranito".

"Hoxe a crise global que enfronta o mundo xorde precisamente desde o mesmo centro que se tomou como modelo moitas veces e do que se debía facer coa economía e os consellos que apuntaban á non regulación" afirmou a presidenta.

"Decidín crear o Ministerio da Produción, porque percibín con moita claridade a necesidade dun espazo institucional, articulando coa nosa Cancillería e embaixadores para que sexan vendedores da Arxentina e para saír á conquista de novos mercados", explicou Fernández de Kirchner.

"En materia de emprego tamén imos enviar un proxecto ao Parlamento cun instrumento que permita poñer de negro a branco aos traballadores na República Arxentina e para as pequenas e medianas empresas -de ata 10 empregados-, que constitúen como case o 84 por cento o total das pymes. A empresa que coloque aos seus traballadores ata 10 en branco quedará perdoada toda a débeda que teña", adiantou a mandataria.

A Presidenta afirmou que o Goberno "está disposto a seguir mantendo e aumentando aínda máis a construción, que é un sector vital" da economía. Ademais, anunciou a posta en marcha dun plan de obras públicas por máis de 70.000 millóns de pesos.

"O día 15 de decembro imos lanzar o plan de obras públicas máis ambicioso do que se teña memoria, que representará 71 mil millóns de pesos", dixo.

A mandataria, adiantou ademais que ese plan se estructurará sobre "tres tipos de obras de carácter estructural" e que "modificarán o escenario económico e ambiental", do país. A Presidenta afirmou que o novo plan de obras públicas do Goberno levará a pasar dos 362.000 postos de traballo na construción aos 777.000.


4/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: