Vieiros

Vieiros de meu Perfil


Edición xeral

RSS de Edición xeral
O aeroporto internacional, bloqueado

O Exército de Tailandia pide a dimisión do goberno, que se nega

O xeneral Anupong Paochinda pediu novas eleccións para lle pór fin á crise política que arrastra o país dende hai seis meses.

Redacción - 13:30 26/11/2008
A oposición bloquea o aeroporto

A oposición bloquea o aeroporto

O primeiro ministro de Tailandia, Somchai Wongsawat, non dimitirá do cargo, non disolverá o parlamento e non convocará eleccións anticipadas. Rexeita deste xeito a exixencia do xefe do Exército, o xeneral Anupong Paochinda.

"O primeiro ministro dixo moitas veces que non dimitirá nin disolverá o parlamento porque foi elixido democraticamente", declarou o portavoz do goberno, Nattawut Saikuar, a unha canle de televisión, segundo informan as axencias internacionais.

Paochinda pediu a convocatoria de novas eleccións para lle pór fin á crise política que arrastra o país dende hai seis meses. No entanto, insistiu en que non ten intención de dar un golpe de Estado porque "non vai resolver nada", e que se así fose, "daríao".

Non é a primeira vez que Anupong pide a dimisión do primeiro ministro. En setembro de 2006, o Exército derrocou mediante un golpe de Estado o entón primeiro ministro, Thaksin Shinawatra.

O xefe do Exército ordenoulles aos manifestantes da opositora Alianza Popular para a Democracia que se retiren do aeroporto internacional da capital, Bangkok, e poñan fin ás protestas. O bloqueo obrigou a suspender todos os voos comerciais.

Ademais, o líder da Alianza, Sondhi Limthongul, rexeitou o diálogo ofrecido polo goberno. "O primeiro que debe facer é marchar, antes de sentármonos falar con vostede", declarou.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: