Vieiros

Vieiros de meu Perfil


Fwwwrando

RSS de Fwwwrando
AERONÁUTICA

Irán enviará ao espazo foguetes con animais a bordo

O goberno de Ahmadineyad segue a avanzar na carreira espacial co próximo lanzamento dos vehículos Kaveshgar 3 e Kaveshgar 4.

Redacción - 09:00 03/12/2008
O primeiro foguete espacial de Irán

O primeiro foguete espacial de Irán

Irán ten previsto iniciar a conquista espacial co lanzamento de foguetes tripulados. Os primeiros usuarios das aeronaves iranianas serán animais, segundo informou o xefe adxunto da Organización Aeroespacial de Irán, Mohammad Ebrahimi.

Así, asegurou que "Kaveshgar 3 e Kaveshgar 4 lanzaranse proximamente con animais a bordo". Anteriormente, Irán lanzou con éxito o Kaveshgar (Explorador) 2 o día 26 de novembro, que regresou despois de 40 minutos, con numerosos datos científicos.

O 4 de febreiro botárase o Kaveshgar 1 e presentárase o primeiro satélite científico iraniano, Omid (Esperanza). Aquel lanzamento provocara preocupación en Occidente e en Rusia, pois podía ser unha mostra de que Teherán está preparado para desenvolver mísiles de longo alcance.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: