Sete galegos correrán nunha proba da Copa do Mundo
As seleccións júnior e cadete levarán á localidade vasca de Igorre seis corredores, ademais de Óscar Vázquez, que competirá en elite.
Imaxe dunha carreira de ciclo-cross
Este domingo terá lugar na localidade vasca de Igorre a quinta proba da Copa do Mundo de Ciclo-Cross, organizadas pola Unión Ciclista Internacional. Até alí desprazaranse as seleccións galegas júnior e cadete, cada unha con tres representantes. O outro galego que estará en Igorre é Óscar Vázquez, que foi chamado pola selección estatal de elite.
Na categoría júnior correrán Óscar Martínez, Paulo González e Adrián Pérez; mentres que o equipo de cadetes fórmano Pablo Rodríguez, Saúl López e Iván Losada. As carreiras realizaranse todas na mañá do domingo, sobre un circuíto de 2.850 metros que percorrerán representantes das mellores seleccións de ciclo-cross.
Os primeiros galegos en competir serán os cadetes, dende as 10:00 horas, seguidos dos júnior ás 11:30 horas. Óscar Vázquez e os outros corredores de elite serán os últimos en saír, ás 12:30 horas.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto