Vieiros

Vieiros de meu Perfil


Máis Alá

Xestionado por Vieiros
RSS de Máis Alá
100º e 30º cabodano, respectivamente

Milanés e outros artistas do país homenaxean en Monterroso a Curros Henríquez e Lorenzo Varela

O cantautor cubano interpretou este sábado xunto ao músico Emilio Batallán os versos 'Do mar pola orela' e 'O Maio'.

Redacción - 11:25 14/12/2008

O cantautor cubano Pablo Milanés participou este sábado en Monterroso (A Ulloa) nunha homenaxe aos poetas e xornalistas Curros Henríquez e Lorenzo Varela, con motivo do centenario e os 30 anos da súa morte, respectivamente.

Durante a súa intervención, Milanés interpretou xunto ao músico Emilio Batallán os versos Do mar pola orela, dedicados á escritora Rosalía de Castro, e O Maio. Ademais, actuaron Mini e Mero, do grupo A Quenlla, que contan no seu repertorio con outras versións de Curros Enríguez

"Ambos os dous foron poetas, xornalistas e persoas comprometidas co movemento histórico que lles tocou vivir", expuxo o profesor Gregorio Ferreiro, que cualificou os homenaxeados de "grandes humanistas que entenderon que podían contribuír a que o mundo fose mellor".

No acto tamén participou o secretario xeral de Comunicación, Fernando Salgado, que agradeceu a presenza dunha "das voces máis poderosas de América Latina e trazou un paralelismo entre a poesía "civil" de Curros Enríquez e a de "combate" de Lorenzo Varela.


4.5/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Participantes na homenaxe, este sábado en Monterroso (clique para ampliar)
Participantes na homenaxe, este sábado en Monterroso (clique para ampliar)