Vieiros

Son catro os textos propostos por impulso da cidadanía que quedarán pendentes de debater no Pazo do Hórreo. O primeiro deles é o relativo ao polémico plus de altos cargos, retribución extra que non volverá así ao primeiro plano parlamentario as próximas semanas. Por outro lado, queda fóra tamén a modificación da Lei Electoral proposta por Esquerda Unida, que de xeito concreto pedía rebaixar dun 5 a un 3% a porcentaxe de votos necesaria para obter un deputado.

Ademais, en trámite estaban as iniciativas lexislativas para a creación dunha rede de apoio á muller embarazada e para a creación da área metropolitana de Vigo. Deste xeito, na actual lexislatura só se lle tería aberto a porta a unha iniciativa lexislativa cidadá, a relativa á protección e conservación dos ríos do país, un proxecto que de feito viña herdado da lexislatura que rematou en 2005.