Vieiros

Vieiros de meu Perfil


Edición xeral

RSS de Edición xeral
Ofensiva israelí sobre a Faixa

Comezan os combates na Cidade de Gaza

"Os pobos do mundo tomaron as rúas para protestar contra as accións israelís, mais non están representados polos seus propios gobernos", di Hamas.

Redacción - 21:05 05/01/2009
Soldados israelís e milicianos de Hamas combaten xa na capital

Soldados israelís e milicianos de Hamas combaten xa na capital

Militantes de Hamas combaten con soldados israelís nas rúas da Cidade de Gaza dende este luns á noite, por vez primeira dende o inicio da ofensiva terrestre por parte do Exército de Israel, o sábado pasado.

Por outra banda, continúan os esforzos diplomáticos para conseguir un cesamento do fogo. O que non cesan son as declaracións acusatorias. O presidente de EUA, George Bush, defendeu o ataque ao asegurar que entende o "desexo de Israel de defenderse" e culpou por completo da situación a Hamas.

Precisamente, o líder e cofundador da organización, Mahmud Zahhar, ameazou o Estado israelí este mesmo luns, informan as axencias internacionais. Argumentou, tamén, que o problema non son os foguetes que se disparan dende Gaza, senón a ocupación e o asedio contra este territorio.

Ademais, criticou os líderes mundiais: "Os pobos do mundo tomaron as rúas para protestar contra as accións israelís, mais non están representados polos seus propios gobernos, que actúan en complicidade con estas últimas agresións", afirmou.

Máis información:


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: