Vieiros

Vieiros de meu Perfil


Lusofonía

Xestionado por Vieiros
RSS de Lusofonía
Tendencia xeneralizada á recesión

A economía brasileira, a que mellor aguanta a crise mundial

A OCDE presenta datos sobre os seus 30 estados membros e os BRICs (Brasil, Rusia, India e China).

Redacción - 11:15 13/01/2009
Líderes dos BRICs, en 2008

Líderes dos BRICs, en 2008

A economía do Brasil, que recuou un 2,9% no mes de novembro, é a que menos está a sufrir coa crise económica mundial, segundo o informe divulgado este luns pola Organización para a Cooperación e Desenvolvemento Económico (OCDE).

O estudo, que inclúe os 30 estados membros da OCDE e os BRICs (Brasil, Rusia, India e China), salienta a "forte desaceleración" na Unión Europea, Asia, Estados Unidos e nas grandes economías emerxentes.

O índice, considerado unha media dos indicadores económicos, ten como referencia os 100 puntos. A OCDE clasifica como 'en expansión' economías con índice en crecemento por riba de 100. 'En descenso' son aquelas por riba de 100, mais con tendencia a recuar (caso de Brasil). Por baixo de 100, mais medrando están os países 'en recuperación', e retraéndose, os 'en desaceleración'.

A crise, a máis
O índice medio da OCDE ficou en 101,2 puntos en novembro. En outubro estaba en 102,3. En setembro, en 103,2. En agosto, en 103,9. E en xullo, en 104,1.

Rusia rexistrou 89,8 puntos, en novembro, un descenso de 13,8 con respecto ao mesmo período do ano pasado. Seguiulle China, con 88,5 puntos (12,9 menos ca en novembro de 2007). A maior economía do mundo, a de Estados Unidos, ficou en 92,2 puntos (8,7 puntos menos). A caída na zona euro foi de 7,6 puntos, que rexistrou 94,3 puntos.


4/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: